اعلانات نصية

**kings.bestgoo** · الإثنين نوفمبر 17, 2014 10:07 pm

تحديد القيمه العادله للسهم بأستخدام مضاعف الربحيه

التقييم باستخدام اسلوب المضاعفات هي طريقة لا تبحث في القيمة الحقيقية للأسهم وأنما في القيمة النسبية علشان كده بنطلق عليها طريقة (التقييم النسبي Relative Valuation ( يعني احنا بنقول أن السهم ده قيمته كذا علشان مقارنة بأسعار غيره من الاسهم في السوق هو بيحقق أرباح كذا أو عنده اصول دفتريه بكذا أ, .... حسب الخاصية اللي انا بأقارن بيها.

وفلسفة الطريقة دي أنا القيمة الحقيقية لاي اصل او ورقة مالية مستحيل او قريب من المستحيل ان احنا نحددها ، فبنقول طيب السوق ممكن يدفع في السهم ده كام بناء علي مجموعة من الخصائص. وأهم الخصائص التي تستخدم هي الربحية والقيمة الدفترية والايرادات ، وبعض الخصائص الخاصة ببعض القطاعات.

أولا : مضاعف الربحية P/E :

وده بالطبع اشهر هذه المضاعفات ، وطريقة حسابه هي :

P/E = Market Price per Share / Earnings per Share

****** مضاعف الربحية = السعر السوقي للسهم / ربح السهم الواحد

ربح السهم (EPS) هو نصيب السهم الواحد من ارباح الشركة عبارة عن صافي الرباح مقسوما علي عدد الاسهم في الشركة ، وفيه ناس ببتلخبط هنا وتستخدم رقم التوزيعات وده خطأ .
طيب نستخدم رقم الارباح لأية سنة ، ممكن تستخدم رقم الارباح لأخر ميزانية ، او المتوقع للسنة الحالية ، او المتوقع للمستقبل القريب .

طيب وبعد ما نحسب هذا المضاعف نعمل ايه ، بنقارنه بمتوسط مضاعفات السوق أو بمتوسط الصناعة التي ينتمي اليها السهم ،او بمضاعف الربحية لنفس السهم خلال مجموعة من السنوات.

طبعا بشكل عام مضاعف الربحية كلما كانت قيمته اصغر بيكون افضل يعني الشركة التي مضاعف ربحيتها 10 مرات افضل من 20 مرة وهكذا ، يعني لو سوق متوسط مضاعف الربحية للشركات فيه 15 مرة لما الاقي شركة مضاعف ربحيتها 8 مرات ده معناه انها مقيمة باقل من قيمتها الحقيقية في الوقت الحالي يعني تمثل فرصة للشراء ، طبعا مبيبقاش هو العامل الوحيد في الاختيار ، ولكنه في الحقيقة اصبح واسع الاستخدام نظرا لسهولته ولانه نسبي مش مطلق في تحديد القيمة ، يعني بياخد العوامل السوقية في الحسبان .

بنفس الطريقة السابقة يمكن حساب مضاعفات اخري زي مضاعف التوزيعات ، ومضاعف القيمة الدفترية للسهم ، مضاعف الايرادت وابتدي اقارن بين كل الشركات في هذه المضاعفات .

طبعا في الفترة الحالية دي طريقة ممتازة لاختيار الشركة المناسبة للاستثمار والسوق نازل كده ، يعني مثلا سهم النساجون وفقا لنتائج الربع الاول هو حقق صافي ارباح 60 مليون للربع يعني ممكن خلال السنة من 240 الي 280 مليون جنيه وعدد أسهمه 40 مليون سهم
وهو بيتداول دلوقتي في حدود 67 جنيه يعني مضاعف ربحيته مابين 9.5 مرة و11 مرة وده مضاعف ممتاز جدا

برضه لو حسبنا هيرمس ربع السنة الاول هو حقق 208 مليون يعني خلال السنة يمكن يصل لرقم 900 مليون وهو عدد اسهمه 291 مليون سهم يعني لو حسبنا مضاغف الربحية نلاقيه من 11 الي 12 مرة عند سعر 34 جنيه.

طيب لحد دلوقتي دي مش طريقة تقييم دي طريقة لتحديد الاسهم المقيمة بأعلي واقل من سعرها ، لكن في حالة لو الشركة لسه مش في السوق واحنا بنقيمها للخصخصة مثلا ، بنقول والله الشركة دي ربحية السهم فيها كام 5 جنيه مثلا طيب مضاعف الربحية للسوق المصري في المتوسط كام 14 مثلا يبقي قيمة السهم تساوي

(14*5) = 70 جنيه

طبعا ممكن استخدم متوسط السوق او الصناعة ولاكثر من سنه .

الموضوعالأصلي : تحديد القيمه العادله للسهم بأستخدام مضاعف الربحيه المصدر : منتديات وجدة للنجدة الكاتب:kings.bestgoo