اعلانات نصية

**Immortalita** · الخميس نوفمبر 27, 2014 6:55 pm

هام جدا قبل أن تشتري موبايل مستعمل (بعض النصائح المفيده علشان تبقى مطمئن 100%)

[size=32]أقدم لكم اليوم بعض النصائح عند شراء جهاز موبيل مستعمل :[/size]
نبدا باسم الله والصلاه والسلام على رسول الله :

1- أول شىء تنظر على ظهر الجهاز تحت البطارية لترى السيريال وبلد المنشأ و قارن السيريال بالسيريال التانى اللى على الكرتونة و لازم يكونو زى بعض و إلا تبقى مش كرتونته و يعتبر الجهاز بدون كرتونة

2- ياريت يكون الغطاء الخارجى لا يحتوى على عدد كبير من الخدوش وكلما زادت الخدوش كلما قل سعر الجهاز طبعا ولكن الخدوش البسيطة عادى مفيش مشكلة منها (ده طبعا بعد ماتتأكد إنه الكفر الأصلى)

3- حط شريحة فى الجهاز وشغله وانظر إلى أبراج الشبكة و إذا لم تجد شبكة ضع الشريحة بجهاز آخر حتى تتأكد إذا كان العيب فى الجهاز ولا فى تغطية الشبكة نفسها

4-حط الجهاز فى الشاحن و انظر إلى أبراج الشحن و شوفها بتتحرك واللا لأ و مهم كمان تسيبه شوية فى الشحن عشان تعرف الجهاز بيسخن من الشحن واللا لأ

5- اعمل مكالمة بالجهاز وتأكد ان انت سامع و ان المتحدث سامعك (اخوك مثلا)

6-افتح الكاميرا وخذ كام صورة وجرب الفلاش

7- شعل النغمات وتأكد إن مافيهاش زنة قوية أو رعشة وزود الصوت و وطيه وقارن الصوت بصوت جهاز تانى من نفس النوع إن أمكن وماتنساش تجرب الهزاز

vibration)-8)دخل بطاقة ذاكرة وتأكد إن الجهاز قاريها وجرب تمسح منها ملف

9- جرب زراير الجهاز كله واحد واحد كذة مرة

10- افتح البلوتوث وجرب تبعت ملف و جرب تستقبل ملف

11- إذا كان الجهاز فيه وايرلس جرب تشغله على شبكة قوية

12- لتعرف إذا كان الجهاز مفتوح أم لا انظر على المسامير فى الخلف و الأمام لترى إذا كان بها خدوش أو أثر فك أو إذا كانت المسامير كلها مش شبه بعض و كل واحد مختلف عن التانى

13- لا تنس أن الكرتونة والكفر الأصلى و الاكسسوارات الأصلية بتفرق عن التقليد

وفى النهاية يا رب الموضوع يكون عجبكم وتكون استفتد من الموضوع

لا تنسانا من الدعاء

وشكرااااا