 منتـديات وجـدة للنجـدة |
| شاطر |
 الإثنين نوفمبر 17, 2014 9:56 pm | المشاركة رقم: | |||||||||||||||||||||||||||||||||||||
|  خطوة بخطوة .....على طريق الإحتراف بسم الله الرحمن الرحيم سأحاول بإذن الله كتابة بعض التوضيحات التى قد تساعد المبتدئين فى بداية خطواتهم الأولى داخل عالم البورصة ربما ساعدتهم فعلا فى أن يكونوا يوما ما من المحترفين إن شاء الله أبد كلامى لكل مبتدئ بالتأكيد على أن تجارة الأوراق المالية أو الأسهم تعتبر من أبسط أنواع التجارة حيث يمكن لأي شخص أن يمارسها و بمبلغ بسيط لا يتجاوز 1000 جنيه واحد لاغير، وفى نفس الوقت تعتبر من أهم أنواع التجارة فى العالم كله على الإطلاق !! لماذا هى الأبسط ؟ لأن أى شخص يمكنه بمجرد فتح حساب للتداول أن يعطى أمرا بالشراء فينفذ فورا فى ثوان معدودة وبمجرد أن يرغب فى البيع ويعطى أمرا بذلك فهو يبيع فورا فى أقل من دقيقة واحدة وفى كلا الحالتين يدخل الرصيد فى حسابه أو يخصم منه بمنتهى السهولة. هل هناك فى العالم كله نوع من أنواع التجارة أبسط من ذلك فى اجراءاته؟ ثم لماذا هى الأهم على الإطلاق؟ الأهم لأن الناتج القومى فى أى دولة فى العالم تقوم على الاقتصاد الحر هو محصلة أرباح جميع شركاتها ومصانعها ومشروعاتها الكبرى ....هذه الشركات والمصانع والمشروعات فى جميع المجالات مملوكة لأفراد ....هؤلاء الأفراد هم المساهمين ....وأنت بشرائك سهم واحد فقط ..أصبحت أحد هؤلاء المساهمين إذا انت أصبحت لبنة أساسية فى بناء الناتج القومى لإقتصاد دولتك كل شركة أيا كانت هى وحدة بناء فى الإقتصاد الكلى للدولة الشركة من الممكن أن تكون مغلقة على أصحابها وغير مطروحة لتداول أسهمها ....ومن الممكن أن تكون أسهمها متاحة للجميع لكى يشتروها ويصبحوا من المساهمين فيها. والبورصة ماهى إلا مكان لتبادل الأدوار بين الأفراد المساهمين فى الشركات المفتوحة للتداول. وأنت عندما تبيع سهم لشركة ما وتشترى غيره من آخر ....فأنت فقط تبدل مكانك من مساهم فى شركة كذا ..إلى مساهم فى شركة أخرى. ولكن عندما تبيع كل أسهمك وتخرج من هذا السوق ...فأين ستذهب بها بفرض عدم صرفها فى سلع استهلاكية أو خدمية؟ إما أنك ستقيم مشروعا خاصا بك وبأولادك فقط ......إذا فهى شركة جديدة ...صغيرة كانت أم كبيرة ...يضاف ناتجها للناتج القومى للدولة. وإما أنك ستضعها فى أحد البنوك ليعطيك عائد ثابت......وهنا سيأخذها البنك ويعطيها لغيرك بعائد أعلى قليلا ...ويكون الفارق لصالح البنك مقابل دوره كوسيط...وهذا الشخص الآخر سيؤسس بنفسه شركة أو سيدخل مع آخرين فى شركة كمساهم وفى كلا الحالتين ستكون الشركة بناتجها (مفتوحة أم مغلقة) جزءا من الناتج القومى للدولة طيب ....احنا فهمنا ان البورصة هى مكان تبادل أدوار المساهمين من خلال ان كل واحد بيبيع اسهمه فى شركة وواحد تانى بياخدها منه .....هل ده كل ما فى الموضوع ؟؟!! لأ طبعا ...مش معنى ان عملية بيع وشراء الأسهم تتم فى منتهى السهولة ان العملية كلها سهلة فى سهلة هنا مادمنا أمام عمليات بيع وشراء مستمرة ولا نهائية ...اذا فنحن أمام تجارة مستمرة ...تجارة مثل أى تجارة ...أصبحنا أمام سوق تجارى فيه عرض وطلب... وبيع وشراء ...وذكاء وغباء ...وعلم وجهل ...وأمانة ونصب ....زيه زى أى سوق فى الدنيا سأحاول التبسيط أكثر قدر الإمكان فى تصوير الأمر علشان تبقوا فاهمين البورصة دى أولها إيه وآخرها إيه ركزوا معايا شوية : البورصة دى زى ما قلنا سوق زى أى سوق فى الدنيا ....بضاعة ...ناس واقفين يبيعوها (تجار )...وناس معاها فلوس داخلين علشان يشتروها (زباين) الناس اللى بتبيع ( التجار) مفروض انهم إما المساهمين الأساسيين أو جايبين البضاعة ( الأسهم) من المنتج مباشرة ( أى من أصحاب الشركات) وجايبينها بسعر كويس ...وبيحطوا عليها هامش ربح معقول ويبيعوها تانى لناس تانية فى أى سوق لو الناس اللى بتشترى تجار برضه ....تبقى اسمها سوق جملة وهؤلاء المشترين مفروض أنهم أخدوا البضاعة علشان يبيعوها تانى ويكسبوا فيها ...اسمهم تجار تجزئة. لو الناس اللى بيشتروا ليسوا تجارا....و بياخدوا البضاعة علشان يستخدموها بنفسهم ويستفيدوا منها .... وما يبيعوهاش الا لو استنفذوا رغبتهم منها......دول اسمهم مستهلكين. ده كلام كويس ....وكلنا فاهمينه وعارفينه .....لكن ازاى ينطبق الكلام ده على سوق الأسهم اللى هى البورصة؟ إزاى يعنى يكون المشترين للأسهم مستهلكين ....هيستهلكوا الأسهم إزاى ؟؟.....لو عملوا عليها فتة ولحمة بيبقى طعمها وحش!!....ولو لفوا بيها المحشى بدل ورق العنب وسموه محشى ورق اسهم.. يبقى باين من اسمه كده انه هيسد النفسٍ!! لكن الموضوع مش كده ...المستهلكين هنا أقصد بيهم الناس اللى مستفيدة من الإحتفاظ بالسهم ....مستفيدة من التوزيعات الدورية فى صورة أرباح نقدية ...أسهم مجانية ....زيادة رأسمالية فى قيمة السهم نتيجة نمو الشركة وتوسعاتها ...الخ والناس دى اسمها المستثمرين طويلى المدى ...مش تجار خالص ...ولا لهم فى السوق وعمايله ...ولا ليهم فى فنون البيع والشراء.... طيب ماشى ...فهمنا دول .....قول لى بقى لو المشترين للأسهم مش مستهلكين ...قصدى مش مستثمرين ...واعتبرناهم تجار واخدين البضاعة أو الأسهم علشان يتاجروا فيها ويكسبوا من وراء بيعها ..يبقى ايه الحال بالنسبة لهم؟ احنا قلنا ان البضاعة اللى بنتكلم عنها عبارة عن أسهم ....مملوكة لتجار الأسهم اللى هم المساهمين الأساسيين أو الناس القدامى فى البورصة اللى أخدوها بسعر كويس من المساهمين الأساسيين. هؤلاء التجار أو الناس القدامى تجدهم فى كل وقت قاعدين يعرضوا بضاعتهم (أسهمهم ) بهدف الربح من ورائها فلا يجدون مثلا سوى مشترين قليلين (تجار جدد قليلين) يعطونهم ربحا قليلا 2-3 % مثلا فى بضاعتهم ويأخذونها منهم .......(خير وبركة ...الحمد لله على كده...). ....بعد ذلك يذهب المشترون الجدد أو التجار الجدد للبحث عن زبائن جدد حتى يشترون ما بأيديهم من بضاعة فلا يجدون سوى عددا قليلا يدخل البورصة أو السوق من الزبائن الجدد فنجد أن بعضهم يقدر على الفوز بالزباين الجدد ويبيع لهم ويطلع هو كمان بمكسب أيا كان ولكنه على أى حال يعتبر أولا وأخيرا كسبان ...يعنى تاجر شاطر ونجد البعض الآخر ممن يطلق عليه التاجر الخايب اللى أخد الأسهم وماعرفش يبيعها فيضطر لبيعها بخسارة حتى يتخلص منها مين اللى بياخدها منه؟ التاجر القديم فى البورصة الأولانى اللى كان باعها له وكسب منه وبياخدها بسعر رخيص ثم يعرضها بهامش ربح مرة أخرى لزبون مستجد آخر وصاحبنا المستجد اللى باع بخسارة بيروح فين؟؟ حاجة من اتنين: يا إما يخرج من السوق ويحلف ماهو داخل تانى ....يا إما يشترى من جديد بضاعة تانى ويحاول مرة تانية وتالتة لحد ما يتعلم النصاحة أو يخرج نهائيا من السوق على السجن!! لو انت فهمت حاجة من كلامى اللى بأحاول أنه يكون مبسط جدا ده ..تبقى حاجة جميلة قوى .... ليه ؟ لأن بناء على كده هتعرف انك لازم تحدد موقفك وانت داخل السوق فى أول يوم انت داخل تشترى اسهم ليه ....؟ علشان تتاجر فى الأسهم وتصبح تاجر ....يعنى تريدر...يعنى مضارب.....أيا كان المسمى ولاّ علشان تستفيد من الأسهم اللى اشتريتها فى صورة توزيعات وأرباح موزعة وأرباح رأسمالية وخلافه؟...أى من أجل أن تصبح مستثمرا؟ إذا ما عرفتش تحدد موقفك انت مين فيهم ....هتلخبط الدنيا ...وهتبقى زى اللى رقص على السلم ...أو زى ماطالش لا بلح الشام ولا عنب اليمن !! اذا قررت ان تكون تاجر ....يبقى لازم تتقن كل فنون هذه التجارة وعلومها ومن غير كده هتبقى تاجر فاشل ......ما ينفعش أبدا تتاجر وتمارس التجارة بناء على توصيات من ناس غيرك مستحيل أن تنجح بهذه الطريقة هل رأيت أى تاجر فى الدنيا قاعد فى السوق يسأل كل من يمر أمامه ..وحياة أبوك تقوللى أبيع بكام ؟ يا ناس ياهوه ...انا تاجر ونفسى حد يقوللى أشترى ايه وبكام ...وابيعه بكام !!!!! ...ياعم ياللى ماشى ...ورحمة أبوك واللى خلفوك تقوللى ...أنا شارى العربية دى على 28 ....قول لى والنبى ابيعها بكام ولاّ أغيرها بأيه علشان عاوز أكسب!!! أظن لو فيه تاجر فى الدنيا بالمنظر ده فى أى سوق أنت أول واحد هتعتبره تاجر مسخرة لكن لو انت مستثمر طويل الأجل ....من الطبيعى أن تسأل وتطلب النصيحة من أهل العلم والخبرة عن مدى جودة البضاعة ( الأسهم) اللى انت عاوز تشتريها وتحتفظ بيها لنفسك كأى سلعة تسأل عنها أهل الخبرة فيها وإن كان من المفضل طبعا ...بل من المفضل جدا...أن تكون انت من أهل العلم بهذه السلعة وأدرى من غيرك بها ...كأن تكون مثلا مهندس اتصالات وتساهم فى شركة اتصالات قوية ....أو طبيب وتساهم فى مركز طبى ضخم ....أو محاسبا ماليا وتختار شركة لها ميزانية قوية ومستقبل رائع ...ليس شرطا طبعا أى من ذلك ....ولكنى أقول من الأفضل ملحوظه : الموضوع منقول من منتدى اخر للافاده . 
| |  | |||||||||||||||||||||||||||||||||||
| الخميس نوفمبر 20, 2014 11:50 pm | المشاركة رقم: | |||||||||||||||||||||||||||||||||||
| خطوة بخطوة .....على طريق الإحتراف موضوع رائع بوركت  
| | | |||||||||||||||||||||||||||||||||
| الإشارات المرجعية |
| الذين يشاهدون محتوى الموضوع الآن : 20 ( الأعضاء 3 والزوار 17) |
| ||||||||||
©phpBB | Ahlamontada.com | منتدى مجاني للدعم و المساعدة | التبليغ عن محتوى مخالف | آخر المواضيع